Albert Guðmundsson, leikmaður PSV Eindhoven, gæti verið á förum frá félaginu í sumar.
Hollenskir miðlar greina frá því í kvöld að Albert sé á óskalista Slavia Prague sem er eitt stærsta lið Tékklands.
Samkvæmt fréttum er Albert fáanlegur fyrir rúmlega eina milljón evra en hann var ekki í leikmannahópi liðsins gegn Utrecht í gær.
Albert hafnaði samningstilboði PSV í júní en hann vill fá meiri spilatíma en hann fékk á síðustu leiktíð.
Albert hefur vakið athygli annarra liða en hann var frábær fyrir varalið PSV, Jong PSV sem spilar í næst efstu deild.
Talið er ólíklegt að Albert verði lánaður til annars liðs og gæti hann því verið á förum endanlega í sumar.