Fyrr í dag birtum við frétt af japanska landsliðinu sem spilaði sinn síðasta leik á HM í Rússlandi í gær.
Japan tapaði 3-2 gegn Belgíu á grátlegan hátt en þeir japönsku voru með 2-0 forystu í síðari hálfleik.
Snyrtimennska Japana var til umræðu í dag og hvernig leikmenn skildu við klefann sinn í Rússlandi eftir leikinn.
Meira:
Sjáðu hvernig Japan skildi við klefann eftir tapið í gær
Það var í raun alveg til fyrirmyndar en það þýðir þó ekki að íslensku strákarnir hafi gert eitthvað öðruvísi.
Þorgrímur Þráinsson var með landsliðinu í Rússlandi og birti í dag myndir af því hvernig strákarnir okkar skildu við klefann í Rostov eftir tap gegn Króatíu í lokaleiknum.
Þorgrímur setur einnig inn kvót frá húsverði í Frakklandi eftir leik Íslands og Englands á EM 2016 en okkar menn sendu Englendinga heim.
,,Ég hef verið húsvörður í rúmlega áratug. Ekkert landslið í heiminum hefur gengið jafn vel um klefann og Ísland. Skilaðu kveðju,“ skrifaði Þorgrímur.
Færslu hans og myndir má sjá hér fyrir neðan.