Þrjú íslensk lið eru enn á lífi í Evrópudeildinni en Stjarnan, FH og Valur eiga öll leiki í Evrópu á næstunni.
FH vann lið FC Lahti frá Finnlandi í síðustu umferð og Stjarnan sló eistnenska liðið Nomme Kalju úr keppni.
Valur datt þá úr leik í Meistaradeildinni eftir tap gegn Rosenborg og fer því beinustu leið í Evrópudeildina.
Valur mun spila við lið Santa Coloma frá Andorra í næstu umferð en sigurliðið þar mætir annað hvort Sheriff frá Moldavíu eða KF Shkenidja frá Makedóníu.
FH spilar erfiðan leik gegn ísraelska félaginu Hapoel Haifa en sigurliðið í þeim leik mætir annað hvort Atalanta frá Ítalíu eða Sarajevo frá Bosníu.
Ansi líklegt er að Atalanta verði andstæðingur FH ef liðið sigra Hapoel en Atalanta er sterkt lið í efstu deild á Ítalíu, Serie A.
Stjarnan á leik gegn danska stórliðinu FC Kaupmannahöfn og spilar sigurliðið þar við Admira Wacker Modling frá Austurríki eða CSKA Sofia frá Búlgaríu.