Lið Vejle í Danmörku er að kaupa varnarmanninn Felix Örn Friðriksson. Þetta herma öruggar heimildir 433.is.
Felix Örn er á mála hjá ÍBV í Vestmannaeyjum en hann er uppalinn hjá félaginu og hefur verið fastamaður í Eyjum.
Felix er fæddur árið 1999 en hann á að baki 54 leiki fyrir ÍBV og hefur skorað í þeim eitt mark.
Vejle tryggði sér sæti í efstu deild í Danmörku á síðustu leiktíð og spilar nú í dönsku úrvalsdeildinni.
Vejle hefur spilað tvo leiki til þessa á tímabilinu en liðið gerði jafntefli við Brondby í dag. Liðið sigraði Hobro í fyrstu umferð.
Felix er efnilegur leikmaður en hann á að baki tvo landsleiki fyrir A-landslið Íslands og hefur þá spilað fyrir yngri landslið.