Breiðablik 4-1 FH
1-0 Thomas Mikkelsen(32′)
1-1 Robbie Crawford(52′)
2-1 Davíð Kristján Ólafsson(76′)
3-1 Gísli Eyjólfsson(78′)
4-1 Arnór Gauti Ragnarsson(86′)
Breiðablik vann stórsigur í Pepsi-deild karla í kvöld er liðið mætti FH í 13. umferð sumarsins.
Leikur kvöldsins var mjög fjörugur en eitt mark var gert í fyrri hálfleik og það gerði nýi framherji Blika, Thomas Mikkelsen.
FH jafnaði metin snemma í síðari hálfleik er varamaðurinn Robbie Crawford kom boltanum í netið.
FH var sterkari aðilinn í síðari hálfleik en fengu á sig annað mark eftir fast leikatriði á 76. mínútu er Davíð Kristján Ólafsson skoraði.
Blikar bættu svo við tveimur mörkum stuttu síðar er þeir Gísli Eyjólfsson og Arnór Gauti Ragnarsson komu boltanum í netið.
Blikar eru nú þremur stigum á eftir topplði Vals í þriðja sætinu en FH situr í fimmta sætinu, heilum níu stigum frá toppnum.