Gareth Bale, leikmaður Real Madrid á Spáni, væri fullkominn fyrir Manchester United segir fyrrum landsliðsmaður Wales, John Hartson.
Hartson hvetur Jose Mourinho til að reyna við Bale í sumar en vængmaðurinn er sjálfur sagður opinn fyrir því að fara annað.
,,Það var orðrómur um að David Moyes hafi reynt að fá hann er hann var hjá United en fékk hann ekki því Gareth var of stór biti,“ sagði Hartson.
,,Ef ég væri Mourinho eða stuðningsmaður United væri ég að hugsa ‘hvar getum við bætt okkur?’ Gareth mun bæta liðið.“
,,Ég vil ekki segja Mourinho hvern hann á að kaupa eða hversu mikið hann á að eyða því hann hefur náð svo góðum árangri.“
,,Ef hann vill hins vegar fá leikmann sem er á toppi ferilsins og getur gert ótrúlegustu hluti og unnið leiki upp á eigin spýtur, einhvern til að styðja Lukaku, þá þarftu ekki að leita lengra.“