Javier Tebas, forseti spænska knattspyrnusambandsins, segist vita af hverju Cristiano Ronaldo ákvað að fara til Juventus í sumar.
Ronaldo lék með Real Madrid í níu ár áður en hann ákvað nokkuð óvænt að fara til Juventus í sumar.
Tebas segir að ákvörðun Ronaldo sé vegna þess að hann geti þénað hærri upphæðir á Ítalíu þar sem skatturinn tekur ekki eins mikið burt.
,,Hann mun þéna hærri upphæð þarna en hérna. Það hjálpar honum fjárhagslega að fara til Ítalíu,“ sagði Tebas.
,,Ef við skoðum stærstu deildir Evrópu þá eru leikmenn á Spáni að glíma við erfiðustu skattamálin.“
,,Það er ekki það mikill munur en þegar þú ert að þéna svo háar upphæðir þá endar það á því að segja sitt.“