Það gæti verið að markvörðurinn Keylor Navas sé á förum frá liði Real Madrid í sumar.
Real er að tryggja sér Thibaut Courtois, markvörð Chelsea sem myndi taka við sem aðalmarkvörður liðsins.
Navas hefur undanfarin fjögur ár spilað með Real en hann kom til félagsins frá Levante árið 2014.
Navas birti mjög athyglisvert myndband á Instagram í dag þar sem hann virðist vera að kveðja Real.
Í myndbandinu má sjá Navas fagna þeim titlum sem hann hefur unnið með Real en liðið hefur unnið Meistaradeildina þrjú ár í röð.
Margir vilja meina að Navas sé að kveðja með þessu myndbandi en ekkert hefur fengist staðfest að svo stöddu.