Rosenborg 3-1 Valur (3-2)
1-0 Nicklas Bendtner(víti, 55′)
2-0 Anders Trondsen(72′)
2-1 Kristinn Freyr Sigurðsson(víti, 85′)
3-1 Nicklas Bendtner(víti, 92′)
Valur er úr leik í undankeppni Meistaradeildarinnar eftir viðureign við norska liðið Rosenborg.
Valur vann fyrri leik liðanna 1-0 á Origo vellinum en síðari leikurinn fór fram í kvöld í Noregi.
Staðan var markalaus eftir fyrri hálfleikinn en á 55. mínútu komust heimamenn yfir er Nicklas Bendtner skoraði úr vítaspyrnu.
Rosenborg bætti svo við marki á 72. mínútu leiksins er Anders Trondsen skoraði með skalla eftir lélegan varnarleik Valsara.
Valur fékk hins vegar svo vítaspyrnu á 84. mínútu leiksins og úr henni skoraði Kristinn Freyr Sigurðsson og útlitið bjart.
Rosenborg fékk svo aðra vítaspyrnu á 92. mínútu leiksins en sá dómur var virkilega strangur. Hendi dæmd á Bjarna Ólaf Eiríksson.
Úr spyrnunni skoraði Nicklas Bendtner en Anton Ari Einarsson varði boltann í slá og inn.
Valsmönnum tókst ekki að skora annað mark og fer Rosenborg því áfram og mætir liði Celtic í næstu umferð.