Það er útlit fyrir það að Jose Mourinho, stjóri Manchester United, viti hvernig hann ætli að stilla upp í fyrsta leik tímabilsins gegn Leicester City.
Mourinho svaraði spurningum blaðamanna á blaðamannafundi í dag en lið United er í Bandaríkjunum þessa stundina.
Mourinho fór þá aðeins yfir leikmannahóp liðsins og gaf í skyn að þeir Romelu Lukaku, Jesse Lingard og Marcus Rashford myndu ekki byrja fyrsta leik liðsins.
,,Það er mikilvægt að við vinnum með Juan Mata, Anthony Martial og Alexis Sanchez því þeir verða held ég leikmennirnir sem við byrjum tímabilið með í sókninni,“ sagði Mourinho.
Lukaku, Lingard og Rashford spiluðu allir á HM í Rússlandi í sumar en hinir þrír voru í fríi.