Lið Manchester United er í Los Angeles þessa stundina og er að byrja æfingaferð um Bandaríkin.

Það styttist í að enska úrvalsdeildin fari af stað á ný en deildin hefst í næsta mánuði.

Margar stjörnur United eru staddar í Los Angeles þessa stundina en nokkrir eru þó enn í fríi eftir keppni á HM.

Það vakti athygli er leikarinn geðþekki Gary Oldman var mættur til að hitta stjörnur enska liðsins í dag.

Oldman er heimsþekktur leikari í Hollywood en hann fæddist í London og er mikill knattspyrnuaðdáandi.

Hér fyrir neðan má sjá myndir af honum ásamt leikmönnum og þjálfara liðsins, Jose Mourinho.