Valur datt í kvöld úr leik í Meistaradeild Evrópu eftir leik við Rosenborg í Noregi.
Rosenborg hafði betur 3-1 í leik kvöldsins og samanlagt 3-2 en dómarinn Stefan Apostolov var helsta stjarna kvöldsins.
Þrjár vítaspyrnur voru dæmdar fyrir hendi í leik kvöldsins og má alveg segja að það hafi allt verið rangur og jafnvel fáránlegur dómur.
Arnar Sveinn Geirsson, leikmaður Vals, spilaði leikinn í kvöld og hefur örugglega aldrei upplifað annað eins.
Arnar setti inn færslu á Twitter eftir leik þar sem hann lýsti yfir óánægju sinni með dómgæslu kvöldsins.
,,Ég taldi mig vera að spila í Champions League fótbolta en ekki áskorendakeppni Evrópu í handbolta,“ skrifaði Arnar.
Ég taldi mig vera að spila í Champions League fótbolta en ekki Áskorendakeppni Evrópu í handbolta.
— Arnar Sveinn (@arnarsveinn) 18 July 2018