Alisson Becker, markvörður Roma, gæti verið á leið til Liverpool á Englandi en liðið hefur lagt fram tilboð í Brassann.
Alisson hefur lengi reynt að komast í hóp þeirra bestu en bróðir hans var einnig mjög efnilegur markvörður á sínum tíma.
Alisson þakkar bróður sínum fyrir þann árangur sem hann hefur náð og segir að ef það væri ekki fyrir hann væri hann ennþá lítil og reið grenjuskjóða.
,,Þegar ég varð unglingur þá var ég ekki einu sinni besti markvörðurinn í fjölskyldunni,“ sagði Alisson.
,,Muriel [bróðirinn] var einnig markvörður og hann elskaði að pirra mig. Hann vissi nákvæmlega hvað þurfti að gera svo að ég myndi missa stjórn á skapi mínu.“
,,Allir eldri bræður eru með þennan eiginleika en þetta endaði á því að hjálpa mér að hafa stjórn á tilfinningunum.“
,,Ég efaðist um hversu langt ég gæti náð. Svo kom að Nike mótinu sem var risastórt mót fyrir 14 og 15 ára stráka.“
,,Bróðir minn hafði spilað í mótinu og var valinn besti markmaðurinn. Það var bikar heima hjá okkur sem hann hafði unnið og ég hugsaði oft með mér að mig langaði í einn svona líka.“
,,Ég fékk ekki einu sinni að spila í mótinu og ég íhugaði að hætta. Ég þekkti til allra goðsagnanna eins og Iker Casillas og Gianluigi Buffon.“
,,Þeir spiluðu sinn fyrsta aðalliðsleik aðeins 17 ára gamlir og ég vildi gera eins og þeir. Hversu lengi þurfti ég að bíða?“
Alisson bætti sig svo mikið og tók við af bróður sínum sem aðalmarkvörður brasilíska liðsins Internacional. Muriel spilar í dag fyrir Belenenses í Portúgal.