Það eru margir leikmenn sem spiluðu á HM í sumar sem eru orðaðir við brottför frá sínum félagsliðum í sumar.
Félagaskiptaglugginn í Evrópu er galopinn og verður það þar til í lok ágúst í flestum stærstu deildunum.
Glugginn lokar þó í byrjun ágúst fyrir lið í ensku úrvalsdeildinni eftir reglubreytingar. Glugginn lokar fyrir fyrstu umferð mótsins.
Það verður fróðlegt að sjá hvaða leikmenn færa sig um set í sumar en the Daily Mail tók saman tíu stjörnur sem gætu farið annað.
Hér fyrir neðan má sjá þá tíu leikmenn.
Ivan Perisic (Króatía/Inter Milan)
Perisic var flottur fyrir Króatíu á mótinu í sumar en liðið hafnaði í öðru sæti mótsins. Manchester United hefur mikinn áhuga.
Eden Hazard (Belgía/Chelsea)
Hazard hefur verið einn allra mikilvægasti leikmaður Chelsea síðustu sex ár. Gaf það út á dögunum að hann væri opinn fyrir því að fara til Real Madrid.
Thibaut Courtois (Belgía/Chelsea)
Courtois fékk gullhanskann á HM fyrir frammistöðu sína á mótinu. Er einnig sterklega orðaður við Real líkt og landi sinn, Hazard.
Ousmane Dembele (Frakkland/Barcelona)
Dembele var í varahlutverki hjá Frökkum í sumar og þótti ekki standa undir væntingum hjá Barcelona á síðustu leiktíð. Hann kom frá Dortmund fyrir 135 milljónir punda á síðasta ári.
Alisson (Brasilía/Roma)
Markvörðurinn er stanslaust orðaður við önnur lið en bæði Liverpool og Real Madrid hafa sýnt honum áhuga. Hefur staðið sig vel á Ítalíu og er aðalmarkvörður Brassa.
Domagoj Vida (Króatía/Besiktas)
Þessi 29 ára gamli leikmaður er sagður vera á óskalista Liverpool. Var sterkur við hlið Dejan Lovren í vörninni á HM.
Cristian Pavon (Argentína/Boca Juniors)
Pavon er búinn að skrifa undir nýjan samning við Boca en það gæti verið til þess að fá meiri pening fyrir hann í sumar. Arsenal hefur sýnt kantmanninum knáa áhuga.
Juan Quintero (Kólumbía/Porto)
Quintero vakti verðskuldaða athygli á HM í sumar og var einn allra besti leikmaður Kólumbíu. Hefur spilað með River Plate í Argentínu á láni frá Porto. Hann getur yfirgefið Portúgal fyrir 22 milljónir punda.
Aleksandr Golovin (Rússland/CSKA Moskva)
Talið er að þessi 22 ára gamli leikmaður sé á leið til Chelsea. Rússar komust í 8-liða úrslit HM og spilaði Golovin stórt hlutverk á miðju liðsins.
Hirving Lozano (Mexíkó/PSV)
Einn besti leikmaður Mexíkó á mótinu í sumar. Manchester United og Tottenham eru að íhuga að bjóða í vængmanninn sem skoraði 17 mörk í 29 leikjum fyrir PSV á síðustu leiktíð.