Guðni Bergsson, formaður KSÍ, sat fyrir svörum í höfuðstöðvum KSÍ í dag eftir að ljóst varð að Heimir Hallgrímsson væri hættur með íslenska karlalandsliðið.

Guðni ræddi við blaðamenn á fundinum og svaraði þar spurningu sem allir vildu fá svar við.

Guðni segist ekki vera viss um hver muni taka við keflinu og að enginn einn sé líklegastur þessa stundina.

,,Ég vil finna einstakling sem tengir við og skilur hvað lætur þetta lið tikka,“ sagði Guðni.

,,Við erum að horfa til þjálfara á svæðum sem við þekkjum til, við erum ekki að horfa til Suður-Ameríku eða Afríku. Það væri æskilegt að fá einstakling sem skilur það sem við höfum verið að vinna eftir og hvað við snúumst um.“

,,Sá maður verður að koma með sína reynslu og sínar áherslur og auðvitað kemur eitthvað nýtt í liðið, það verða alltaf breytingar.“

,,Ég hef ekki teiknað upp að einhver týpa sé rétti maðurinn í starfið.“