Það vakti athygli á dögunum er Alexis Sanchez, leikmaður Manchester United, ferðaðist ekki með liðinu til Bandaríkjanna.
Leikmannahópur United flaug til Los Angeles á sunnudag en liðið mun spila fimm æfingaleiki í Bandaríkjunum fyrir komandi leiktíð á Englandi.
Sanchez var þó ekki partur af þeim hóp sem vakti athygli en það er vegna vandamála sem komu upp með vegabréfsáritun leikmannsins.
Sílemaðurinn er í vandræðum eftir að hafa verið dæmdur í 16 mánaða skilorðsbundið fangelsi í febrúar fyrir skattsvik.
Sanchez vinnur nú í því að koma sínum málum í lag og vonast til að geta tekið einhvern þátt á undirbúningstímabilinu.
Þessi 29 ára gamli leikmaður kom til United í janúar en eins og staðan er má hann ekki ferðast til Bandaríkjanna.