Breiðablik gefur ekkert eftir í toppbaráttu Pepsi-deildar karla en liðið vann 2-1 sigur á Fjölni í kvöld.
Staðan var 1-1 þar til í uppbótartíma er Oliver Sigurjónsson gerði frábært sigurmark beint úr aukaspyrnu.
Hér má sjá það góða og slæma úr leiknum.
Plús:
Hvar væru Fjölnismenn ef þeir væru ekki með Birni Snæ í liðinu? Skoraði frábært jöfnunarmark og var langhættulegasti leikmaður gestanna.
Thomas Mikkelsen, nýr framherji Blika, leit mjög vel út í dag og skoraði mark. Er hann leikmaðurinn sem gerir gæfumuninn fyrir þá grænu?
Fjölnismenn voru mun sprækari í seinni hálfleik og vildu fá eitthvað úr leiknum. Sátu ekki hjá og leyfðu Blikum að spila sinn leik.
Þvílíkt mark. Oliver Sigurjónsson. Gerði magnað sigurmark Blika í uppbótartíma beint úr aukaspyrnu!
Mínus:
Fjölnismenn hafa nú tapað sex af síðustu sjö leikjum sínum. Það er bara alls ekki nógu gott. Eru í bölvuðu basli við botninn.
Fjölnir er enn aðeins einu stigi frá fallsæti eftir leiki kvöldsins. Fylkir tapaði á sama tíma gegn KR sem hjálpar þeim gulu mikið.
Fjölnir er lið sem á að vera í Pepsi-deildinni. Er sætið hans Óla Palla orðið heitt? Það virðist erfitt fyrir liðið að ná í stig þessa stundina.