Það stefnir í að framherjinn Pierre-Emerick Aubameyang verði heitur er enska úrvalsdeildin fer af stað í næsta mánuði.
Aubameyang spilar með liði Arsenal á Englandi en hann kom þangað frá Borussia Dortmund í janúar.
Aubameyang byrjaði leik Arsenal og Boreham Wood í dag en 26 mínútur eru liðnar af leiknum.
Framherjinn var í miklu stuði í byrjun leiks og skoraði þrennu á aðeins tíu mínútum.
Aubameyang skoraði fyrsta mark sitt eftir sjö mínútur og tveimur mínútum síðar hafði hann bætt við öðru.
Á 17. mínútu fékk svo Arsenal vítaspyrnu og tryggði Aubameyang þar þrennuna þegar nóg er eftir af leiknum.