Xherdan Shaqiri skrifaði í kvöld undir samning við Liverpool á Englandi en hann kemur til félagsins frá Stoke.
Shaqiri gaf það út eftir síðustu leiktíð að hann væri á förum eftir fall Stoke úr ensku úrvalsdeildinni.
Liverpool borgar 13,5 milljónir punda fyrir Shaqiri og skrifar hann undir fimm ára samning á Anfield.
Shaqiri mun klæðast treyju númer 23 hjá Liverpool en hann var í treyju númer 22 hjá Stoke.
Emre Can var síðast með það númer hjá Liverpool en hann samdi við Juventus í sumar.
Hér fyrir neðan má sjá myndir af Shaqiri í rauðu treyjunni.