Enska landsliðið fékk mikið hrós fyrir spilamennsku sína á HM í Rússlandi í sumar eftir vonbrigði í síðustu keppnum.
England datt úr leik í gær er liðið mætti Króatíu en Króatar höfðu betur með tveimur mörkum gegn einu.
Sime Vrsaljko, leikmaður Króatíu, var alls ekki of hrifinn af frammistöðu Englands í leiknum og skilur ekki umræðuna um að leikstíllinn þeirra sé breyttur.
,,Það var talað um að þetta væri glænýtt enskt lið sem hefur breytt þeirri hefð að sparka boltanum bara langt upp völlinn,“ sagði Vrsaljko.
,,Um leið og við settum pressu á þá þá kom í ljós að það hefur ekkert breyst í þeirra leikstil.“
