Manchester City hefur staðfest komu vængmannsins Riyad Mahrez en hann kemur til félagsins frá Leicester City. Mahrez gerir fimm ára samning.
Mahrez er 27 ára gamall kantmaður en hann hefur undanfarin fjögur ár leikið með Leicester City.
Mahrez spilaði 158 deildarleiki fyrir Leicester og skoraði 42 mörk. Hann á að baki einn Englandsmeistaratitil sem kom árið 2016.
Mahrez kostar City 60 milljónir punda en hann var valinn besti leikmaður Englands er Leicester vann deildina.
Pep Guardiola, stjóri City, er mikill aðdáandi Mahrez og var mjög ánægður með að sjá nýja manninn í kvöld.
,,Það er eins og hann sé ástfanginn,“ var á meðal annars skrifað við aðra myndina sem fær að njóta sína á samskiptamiðlum.
Hér fyrir neðan má sjá hvernig móttökur Mahrez fékk hjá Spánverjanum.