N1 mótið í knattspyrnu var haldið á Akureyri á dögunum en alls kepptu 188 lið á mótinu þetta árið.
N1 mótið er gríðarlega vinsælt mót sem haldið er fyrir knattspyrnumenn framtíðarinnar sem koma frá hinum ýmsu liðum.
47 félög voru skráð í mótið en hvert félag má vera með meira en eitt lið sem etur kappi.
KA birti skemmtilegt myndband á YouTube síðu sinni í dag þar sem má sjá svipmyndir frá mótinu.
Landsliðsmennirnir Jóhann Berg Guðmundsson, Hörður Björgvin Magnússon og Jón Daði Böðvarsson sendu strákum mótsins kveðju áður en flautað var til leiks.
N1 mótsmeistari þetta árið var Breiðablik en liðið var með besta samanlagða árangurinn.
Hér fyrir neðan má sjá svipmyndir frá mótinu sem inniheldur mörk og skemmtileg tilþrif efnilegra leikmanna.