Cristiano Ronaldo skrifaði í dag undir samning við ítalska stórliðið Juventus og mun leika þar á næstu leiktíð.
Ronaldo hefur verið aðalmaðurinn hjá Real undanfarin níu ár en hann gerði yfir 400 mörk fyrir liðið.
Nú er rætt um hver tekur við af Ronaldo á Santiago Bernabeu en þrír leikmenn eru taldir koma til greina.
Þeir Kylian Mbappe og Neymar, leikmenn Paris Saint-Germain, eru báðir sagðir á óskalista Real.
Neymar er fyrrum leikmaður Barcelona og þekkir vel til Spánar en Mbappe er uppalinn hjá Monaco og kom til PSG þaðan í fyrra.
Þriðji leikmaðurinn sem nefndur er til sögunnar er Belginn Eden Hazard sem spilar með Chelsea.
Hazard hefur leikið með Chelsea undanfarin sex ár og hefur margoft verið orðaður við spænska stórliðið.
Mbappe er talinn líklegastur til að taka við af Ronaldo en hann er einnig yngstur af þeim þremur.