Sandhausen í Þýskalandi ætlar sér að stækka heimavöll sinn vegna þess hversu mikla lukku Rúrik Gíslason leikmaður liðsins vakti á HM. Kannski ekki alveg en þetta grínast þjálfari liðsins með.
Rúrik fékk meira en milljón fylgjendur á Instagram á meðan HM stóð, flestir af þeim voru kvenmenn.
Rúrik þykir afburða myndarlegur en hann gerði nýjan samning við Sandhausen fyrir HM.
,,Við erum klárir í að taka á móti öllum þessum konum sem vilja sjá hann, við erum að undirbúa að stækka heimavöll okkar,“ sagði Kenan Kocak þjálfari Sandhausen.
Heimavöllur Sandhausen tekur um 15 þúsund stuðningsmenn í sæti en liðið er í næst efstu deild í Þýskalandi. ,,Heimurinn veit núna hversu fallegur fótbolti er í Sandhausen.“
,,Ég held að Rúrik líði ekki vel alla þessa athygli, hann vill ekki vera miðpunktur hennar.“
,,Við erum ánægðir að hann hafi verið á HM, Rúrik er algjör liðsmaður. Hann spilar margar stöður vel, við græðum mikið á honum.“