Knattspyrnuspekingurinn Hjörvar Hafliðason setti fram athyglisverða færslu á Twitter síðu sína í gær.
Hjörvar fylgdist með leik Íslands og Króatíu á HM en Ísland þurfti að sætta sig við 2-1 tap og er úr leik á mótinu.
Hjörvar setti inn færslu yfir leiknum þar sem hann tjáði sig um Emil Hallfreðsson sem spilaði mjög vel í gær.
Emil var hins vegar ekki í íslenska liðinu gegn Nígeríu í 2-0 tapi og talaði Hjörvar um það sem ‘great comedy’ eða gott grín.
Ólafur Kristjánsson, þjálfari FH, gerði athugasemd við færslu Hjörvars og sagði að það væri alltaf auðvelt að vera snjall eftir á.
Ólafur segir að færslan hjá Hjörvari hafi verið illa sett fram þó að skoðunin sé í lagi og voru þeir tveir sammála um það.
Þetta má sjá hér fyrir neðan.