Ragnar Sigurðsson lék vel með íslenska landsliðinu á HM í sumar en liðið spilaði sinn síðasta leik á mótinu í gær.
Raggi Sig hefur lengi verið mikilvægur í vörn íslenska liðsins og hefur spilað við hlið Kára Árnasonar.
Kári gaf það sterklega í skyn í gær að hann væri hættur með landsliðinu en neitaði þó að útiloka að hann myndi spila aftur.
Raggi hefur nú sjálfur staðfest það að hann sé hættur með landsliðinu en hann er í dag 32 ára gamall.
Raggi setti inn færslu á Instagram í dag þar sem hann kvaddi landsliðið en hann á að baki 80 leiki og hefur reynst liðinu ótrúlegur á tímum.
Raggi spilaði með Íslandi á EM 2016 og svo núna HM 2018 en ljóst er að hann verður ekki partur af liðinu á næsta stórmóti.
Hér má sjá Ragga staðfesta þessar fregnir.