Hörður Snævar Jónsson skrifar frá Rostov:
Það var mjög létt yfir Aroni Einari Gunnarssyni fyrirliða Íslands og Heimi Hallgrímssyni þjálfara liðsins á fréttamannafundi í dag. Ísland mætir Króatíu síðasta leik í riðlinum á HM á morgun.
Allt annað en sigur mun senda Ísland heim og sigur gæti ekki dugað, það fer eftir úrslitum í leik Argentínu og Nígeríu.
Heimir var spurður út í það af hverju íslenska þjóðin væri alltaf svona vongóð.
,,Þetta er í genunum okkar held ég, við erum yfirleitt vongóð fyrir allt,“ sagði Heimir.
,,Við höldum alltaf að við vinnum Eurovison, samt komust við aldrei áfram úr riðlinum. Það er eins hérna á HM, við höldum að við munum vinna alla leiki. Það er bara eitthvað í genunum okkar.“