Hörður Snævar Jónsson skrifar frá Rússlandi:
Rúrik Gíslason landsliðsmaður í knattspyrnu er kominn í fámennan hóp Íslendinga sem hefur yfir milljón fylgjendur á Instgram.
Þegar Heimsmeistaramótið í knattspyrnu var að fara af stað var Rúrik með um 30 þúsund fylgjendur.
Það sprakk hins vegar allt eftir leik Íslands og Argentínu þar sem Rúrik kom inn sem varamaður.
Hægt og rólega hefur Rúrik verið að nálgast milljón fylgjendur og það gerðist svo í gærkvöldi.
Aðeins örfáir Íslendingar hafa náð þeim áfanga áður en þar má nefna Hafþór Júlíus Björnsson og þá hafa Crossfit stelpurnar Katrín Tanja Davíðsdóttir og Sara Sigmundsdóttir náð því.