Argentína þarf á sigri að halda í lokaleik sínum við Nígeríu á HM ef liðið ætlar að eiga möguleika á að komast í 16-liða úrslit.
Argentína hefur byrjað HM í Rússlandi illa og er með eitt stig eftir leiki gegn Íslandi og Króatíu.
Jorge Sampaoli, landsliðsþjálfari, er búinn að missa klefann og hafa leikmenn liðsins enga trú á hans liðsvali.
Fyrrum heimsmeistarinn Ricardo Giusti, segir að leikmenn liðsins muni velja byrjunarliðið í síðasta leiknum gegn Nígeríu.
,,Leikmennirnir munu velja liðið. Það er staðreynd. Ef Sampaoli vill sitja á bekknum má hann það en ef ekki þá er það ekkert vandamál,“ sagði Giusti í dag.
Lionel Messi og Javier Mascherano munu ráða mestu þegar kemur að byrjunarliðinu en þeir búa yfir mikilli reynslu.