Hjörvar Hafliðason, dagskrárgerðarmaður og sparkspekingur, hefur valið kynþokkafyllsta leikmann heimsmeistaramótsins sem nú stendur yfir í Rússlandi. Um fátt hefur verið meira rætt á Íslandi en kynþokka Rúriks Gíslasonar og þá staðreynd að fylgjendur hans á Instagram eru skyndilega orðnir milljón talsins. En kynþokkafyllsti leikmaður HM er ekki Rúrik, að mati Hjörvars.
Hjörvar sagði á Twitter í gær að endalausir listar væru í dreifingu um kynþokkafyllstu leikmenn HM. Einhverra hluta vegna vantaði alltaf einn á þann lista, heimsmeistarann sjálfan, Þjóðverjann Manuel Neuer. Hjörvar var eins og flestum er kunnugt markvörður á sínum yngri árum og var býsna öflugur. Neuer er í miklu uppáhaldi hjá honum eins og sjá má á Twitter-færslu hans í gærkvöldi.
„Hvernig viljiði hafa það betra stelpur? Horfið á manninn!“
Nú eru endalausir listar með kynþokkafyllstu leikmönnum á HM. Hvergi sé ég þann lang glæsilegasta, Manuel Neuer. Hvernig viljiði hafa það betra stelpur? Horfið á manninn! pic.twitter.com/KqtNz0VZSv
— hjörVAR Hafliðason (@hjorvarhaflida) June 23, 2018