Hermann Hreiðarsson er ástríðufullur mjög og hann sýndi það og sannaði í stúkunni í Volgograd í gær þegar Ísland tapaði fyrir Nígeríu, 2-0.
Hermann, sem lék á sínum tíma fjölda landsleikja fyrir Ísland og spilaði auk þess lengi í ensku úrvalsdeildinni, var mættur til að styðja við bakið á strákunum.
Þegar Ísland var 2-0 og undir og skammt til leiksloka fékk Ísland vítaspyrnu og það er óhætt að segja að Hermann hafi verið sáttur við ákvörðun dómarans. Myndband af því þegar hann fagnar vítaspyrnudóminum hefur farið víða á netinu og má sjá myndbandið hér að neðan. Eins og glöggir sjá var hamagangurinn svo mikill að sólgleraugu Hermanns fóru á flug niður í næstu sætaröð.
Gylfi Þór Sigurðsson steig á punktinn en skaut boltanum yfir markið. Myndbandið má sjá hér að neðan:
? #hmruv #NIGISL #vikingclap #fyririsland pic.twitter.com/0q1Cjtojkn
— Hörður Tulinius (@HordurTulinius) June 22, 2018