Hörður Snævar Jónsson skrifar frá Rússlandi:

Íslenska karlalandsliðið tapaði gegn Nígeríu á HM í Rússlandi í gær en lokatölur urðu 2-0 fyrir nígeríska liðinu.

Ísland er í erfiðri stöðu fyrir lokaumferðina en við mætum þá Króatíu sem hefur unnið báða sína leiki í riðlakeppninni. Spilamennska íslenska liðsins þótti ekki góð gegn Nígeríu í gær og þá sérstaklega í síðari hálfleik er við fengum á okkur bæði mörkin. Halldór Björnsson, markmannsþjálfari, setti inn athyglisverða færslu á Twitter í dag eftir tap okkar manna.

Halldór starfaði með Sigurði Ragnari Eyjólfssyni hjá kínverska kvennalandsliðinu áður en Siggi Raggi var látinn fara. Mikið hefur verið rætt um lífið utan vallar hjá íslensku strákunum á HM og má nefna Rúrik Gíslason sem er kominn með yfir 800 þúsund fylgjendur á Instagram.

Halldór er með ráð fyrir íslensku strákana sem má sjá hér fyrir neðan. ,,Ok nú er bara taka niður sólgleraugun, hætta hugsa um þetta instagram bull og henda þessum Mið-Ísland gaurum út af hótelinu? upp með hausinn,út með kasann, upp á hótel að leikgreina og svo beint á æfingasvæðið og upp úr þessum riðli ??,“ skrifaði Halldór á Twitter.

Helgi Kolviðsson var spurður út í málið í dag og hafði þetta að segja. ,,Ég hef ekki lesið þessa færslu. Ég var að horfa á leikinn við Nígeríu aftur í nótt. Hvað er svona merkilegt í þessari færslu?“ sagði Helgi þegar hann var spurður út í færsluna,“ sagði Helgi um málið

„Það er bara eðli lífsíns í fótboltanum að þegar maður vinnur leiki þá gerir maður allt rétt, þegar maður tapar leikjum gerir maður allt rangt. Þannig er það.“

„Þetta er bara bull, fyrirgefðu. Ég nenni ekki að ræða svona hluti. Menn skrifa ýmislegt í hita leiksins. Við vorum allir svekktir, stundum þarf maður bara að sofa á þessu og opna munninn tólf tímum seinna.“

Viðtalið er í heild hér að neðan.