Hörður Snævar Jónsson skrifar frá Rússlandi
Íslenska karlalandsliðið tapaði gegn Nígeríu á HM í Rússlandi í gær en lokatölur urðu 2-0 fyrir nígeríska liðinu.
Ísland er í erfiðri stöðu fyrir lokaumferðina en við mætum þá Króatíu sem hefur unnið báða sína leiki í riðlakeppninni. Spilamennska íslenska liðsins þótti ekki góð gegn Nígeríu í gær
Liðið þarf að vinna Króatíu sem mætir með mikið breytt lið, liðið hefur unnið riðilinn og getur því leyft sér að hvíla nokkra mikilvæga menn.
Meira:
Hannes ber trú í þjóðina fyrir næsta leik á HM – ,,Við ætlum ekki heim“
Það þarf þó ekki að veikja liðið þeirra mikið enda Króatía með frábæran leikmannahóp.
,,Það breytir engu, þetta er Heimsmeistaramótið, ekki æfingaleikur. Þeir gefa sig allan í leikinn, þetta verður mjög erfitt,“ sagði Hannes í dag.
,,Við höfum unnið þá áður, við erum í þeirri stöðu að verða að vinna og þá verðum við bara að gera það.“