Ómar Stefánsson, vallarstjóri á Kópavogsvelli, rifjar upp skemmtileg kynni sín af Jóhanni Berg Guðmundssyni og Rúrik Gíslasyni. Ómar, sem er einnig þekktur í bæjarpólitíkinni í Kópavogi, er þekktur meðal knattspyrnuiðkenda í Kópavogi og hefur hann séð marga af okkar bestu leikmönnum vaxa úr grasi.

Ómar slær á létta strengi á Twitter og segir:

„Ég hefði frekar átt að vera taka selfí af mér og þessum strákum sem eru núna á HM frekar en að vera reka þá af grasinu fyrir rúmum áratug. Ástæðan fyrir því að Rúrik og Jói Berg eru svona snöggir að þeir þurftu að stinga einn fljótasta vallarstjóra landsins af!“

Jóhann Berg verður því miður fjarri góðu gamni í dag en það er aldrei að vita nema Rúrik Gíslason fái tækifæri í byrjunarliðinu í hans stað.