Heimir Hallgrímsson nýtti tímann í dag til að skella sér á Fan Zone í Volgograd. Þó nokkrir Íslendingar voru á svæðinu og vakti viðvera Heimis talsverða athygli þeirra enda stutt í stórleikinn gegn Nígeríu á morgun.

Samkvæmt upplýsingum 433.is var Heimir að heilsa upp á fjölskyldu sína sem er stödd í borginni til að styðja við bakið á honum og strákunum. Má segja að það sé kærkomið enda hafa strákarnir og allt teymið í kringum þá haft í nógu að snúast undanfarna daga.

Meðfylgjandi myndir voru teknar á Fan Zone í Volgograd í dag og að sjálfsögðu gaf Heimir sér tíma til að stilla sér upp á myndum með íslenskum stuðningsmönnun.

Auðvitað heilsaði Heimir upp á aðdáendur á fan zone-inu í Volgograd #fotboltinet pic.twitter.com/lr3fbCKzAF

— Einar Ragnarsson (@einar91) June 21, 2018