Hörður Snævar Jónsson skrifar frá Rússlandi:

Ef taka má eitthvað mark á fjölmiðlum í Rússlandi þá mun Ari Freyr Skúlason koma inn í byrjunarlið Íslands gegn Nígeríu á morgun.

Jóhann Berg Guðmundsson er að glíma við meiðsli og tæpt er að hann geti spilað leikinn á morgun.

Jóhann meiddist gegn Argentínu og fór meiddur af velli, í gær kom fram að hæpið væri að hann myndi spila leikinn á morgun.

Fjölmiðlar í Nígeríu vilja meina að Ari Freyr byrji á kantinum í hans stað en ekki Rúrik Gíslason.

Líklegast er að þessir tveir séu þeir sem koma til greina, Jóhann hefur verið einn besti leikmaður liðsins og því stórt skarð að fylla.