Victor Moses, leikmaður Chelsea í ensku úrvalsdeildinni og nígeríska landsliðsins, á von á afar erfiðum leik gegn Íslandi í Volgograd á föstudag. Hann á jafnvel von á því að erfiðara verði að vinna Ísland en Lionel Messi og félaga í argentínska landsliðiinu.
Nígeríumenn eru með bakið upp við vegg í riðlinum og mega ekki tapa gegn Ísland. Þeir töpuðu gegn Króötum í sínum fyrsta leik á mótinu og verða í raun að vinna Ísland.
„Algjóslega verður leikurinn gegn Íslandi ekki auðveldur. Ísland er með mjög gott lið, taktískt séð. Þeir spiluðu vel gegn Argentínu,“ sagði Moses við fréttamenn í morgun.
„Ef ég á að tala fyrir mig þá verður leikurinn við Ísland erfiðari en leikurinn gegn Argentínu,“ bætti Moses við en hann hefur aldrei mætt Argentínu í landsleik. Hann var á bekknum þegar þjóðirnar mættust árið 2014 og var fjarri góðu gamin þegar Nígería vann Argentínu í vináttuleik, 4-2, fyrir áramót.