Strákarnir í íslenska landsliðinu eru margir hverjir skreyttir flottum húðflúrum sem þekja útlimi þeirra, einkum handleggi. Knattspyrnusamband Evrópu birti meðfylgjandi myndir á Twitter og á þeim má sjá húðflúr nokkurra landsliðsmanna.
Þarna bregður meðal annars fyrir mynd af húðflúrum fyrirliðans, Arons Einars Gunnarssonar, en hann er með stórt og mikið skjaldarmerki á bakinu. Myndin sem fylgir færslunni á Twitter sýnir þó húðflúrið á vinstri handleggum þar sem hann er með Glerárkirkju á Akureyri nokkuð áberandi.
Svo má sjá mynd af húðflúri Arnórs Ingva Traustasonar en hann er með mynd af fjölskyldu sinni á öðrum handleggnum.
Hægt er að sjá myndirnar stærri með því að smella á þær:
?? Iceland = strong tattoo game ? pic.twitter.com/ooObbWEsfU
— UEFA Nations League (@UEFAEURO) June 20, 2018