Hörður Snævar Jónsson skrifar frá Rússlandi:

,,Þetta er búið að taka svolítið langan tíma,“ sagði Rúnar Alex Rúnarsson, nýr leikmaður Dijon í Frakklandi.

Greint var frá því í gær að Rúnar hefði skrifað undir fjögurra ára samning við Dijon sem leikur í frönsku úrvalsdeildinni. Félagið lagði mikla áherslu á að fá Rúnar. Vísir.is segir frá því að Rúnar kosti liðið 200 milljónir, sem gerir hann að dýrasta markverði í sögu Íslands.

,,Það er mjög fínt að klára þetta í gær, á milli leikja. Þeir lögðu mikla áherslu á að fá mig, þeir treysta mér. Þetta gefur mér auka sjálfstraust að hafa trú á mér.“

Rúnar var í fjögur og hálft ár hjá Nordsjælland í Danmörku og fannst tímapunkturinn réttur til að breyta um.

,,Mér fannst þetta réttur tímapunktur, ég hef verið með sama þjálfarateymi lengur. Það var komin smá þreyta, mig langaði að prófa eitthvað nýtt. Fullkomin tímasetning. Ég frétti af áhuga þeirra í fyrra, eftir síðasta tímabil. Þetta er búið að vera heilt ár í bígerð.“

,,Þetta er stórt skref, mér finnst ég vera tilbúinn. Ég myndi ekki taka þetta skref annars. Þeir segja mér að ég sé kominn til að vera númer eitt, það er planið mitt.“

Viðtalið er í heild hér að neðan.