Hörður Snævar Jónsson skrifar frá Rússlandi:
Hörður Björgvin Magnússon bakvörður Íslands segir að liðsfélagi sinn, Rúrik Gíslason sé að fá alltof mikla athygli.
Rúrik er að siga heiminn utan vallar eftir að hafa komið inn sem varamaður gegn Argentínu. Konur í Suður-Ameríku elska Rúrik sem hefur fengið yfir 450 þúsund nýja fylgjendur á Instagram.
Herði finnst nóg komið og telur að Rúrik eigi að fara að deila fylgjendum sínum yfir á aðra landsliðsmenn.
Meira:
Hörður segir landsliðið klárt í hitann og flugurnar – ,,Maður þarf að kaupa flugnanet fyrir leik“
,,Hann er búinn að fá nóg umtal, hann er búinn að alltof marga fylgjendur. Hann getur deilt þessu á okkur strákana, vonandi kemur það eftir næst leik. Vonandi fer Rúrik fyrir aftan okkur þá,“ sagði Hörður.
Vefsíðan Coolbet er með veðmál um það hvort Rúrik nái milljónum fylgjendum áður en mótið er á enda. Hvað ráðleggur Hörður fólki að gera?
,,Þetta er gott bett, það er um að gera að henda smá á þetta. Þá er aldrei að vita. Hann er kominn í 500 þúsund fylgjendur núna, það eru tvær vikur eftir og við getum séð milljónina koma.“