Ari Freyr Skúlason, landsliðsmaður, birti virkilega skemmtilegt myndband á Instagram síðu sína í dag.
Ari Freyr er staddur í Rússlandi ásamt öðrum leikmönnum landsliðsins en eins og allir vita eru okkar menn á HM.
Ari byrjaði á varamannabekknum á laugardaginn er Ísland mætti Argentínu í fyrsta leik en kom við sögu.
Það var vel hitað upp fyrir leikinn gegn Argentínu en strákarnir okkar náðu í gott stig úr leiknum.
Það var kannski fyrir bestu að Jón Daði Böðvarsson myndi ekki byrja leikinn eftir atvik sem átti sér stað í upphitun.
Ari fór þá illa með sóknarmanninn í reit og klobbaði hann á gríðarlega skemmtilegan hátt.