„Við áttum ekki séns gegn þeim tilboðum sem RÚV lét rigna yfir markaðinn,“ segir Sigmundur Ernir Rúnarssonar, dagskrárstjóri vef- og sjónvarpsmiðilsins, Hringbrautar í samtali við Morgunblaðið í dag.
Þar gagnrýna þau Sigmundur og María Björk Ingvadóttir, framkvæmdastjóri N4, forsvarsmenn RÚV og meintan yfirgang þeirra á auglýsingamarkaði.
„Auglýsingadeild sjónvarpsins fer fram af miklu offorsi, með þeim afleiðingum að litlar sjónvarpsstöðvar sem hafa minna áhorf eiga litla sem enga möguleka á að komast að,“ segir Sigmundur Ernir og María Björk bætir við:
„Það er bara þurrð á þessum markaði, þeir ryksuguðu þetta upp og voru klókir. Þetta er ofsalega ójöfn samkeppni.“ Hún segist hafa fengið svör frá fyrirtækjum að allt þeirra auglýsingafé hafi farið í HM á RÚV
Sigmundur kallar eftir því að gripið verði til aðgerða og hömlur settar á það magn auglýsinga sem RÚV getur selt. Ef þetta viðgengist í öðrum atvinnugreinum væri búið að grípa inn í.
„Stjórnvöld hlusta ekki, sjá ekki og hafa enga tilfinningu fyrir markaðnum. Það gildir einu hvar stjórnmálamennirnir eru á pólitískum meiði, það gerist ekkert í þessum málaflokki áratugum saman. Það er svo skakkt gefið að það er ríkinu til skammar“.