Hjörvar Hafliðason, einn virtasti knattspyrnusérfræðingur þjóðarinnar telur að Heimir Hallgrímsson verði að bæta eitt í starfi sínu, það sé að vera klár með skiptingar fyrr. Þetta kom fram í Sumermessunni í gær
Hjörvar ekki sáttur með það hversu langan tíma það tók að fá inn varamann fyrir Jóhann Berg Guðmundsson gegn Argentínu. Jóhann meiddist og þurfti að fara af velli.
Hjörvar tók annað dæmi en það gerðist í Úkraínu í fyrsta leik í undankeppni HM. Þar meiddist Ari Freyr Skúlason.
,,Ég var mjög ósáttur með þetta, Heimir Hallgrímsson klúðraði þessu á móti Úkraínu í fyrsta leik í undankeppni. Hérna erum við tíu, Ari fer út af meiddur. Við erum alltof lengi að skipta, í stað þess að menn séu klárir. Við fáum ekki skiptingu og það kemur mark, þeir læra af þessu. Hugsar maður,“ sagði Hjörvar.
,,Jói Berg þarf að fara út af, það er langur aðdragandi. Þarna á að koma maður strax inn, hann situr í smá stund og gefur tíma. Þetta hefði getað kostað okkur svo mikið.“