Grínistinn Dóri DNA er staddur í Rússlandi þessa stundina en hann og strákarnir í Mið-Ísland héldu uppistand fyrir strákana í kvöld.
Dóri elskar að vera í Rússlandi en hann trúlofaðist þar fyrir sex árum sem kannski ekki margir vissu.
,,Ég elska Rússland. Ég nefnilega á það á aðra að ég trúlofaði mig í Moskvu í ferðalagi með konunni minni,“ sagði Dóri.
,,Ég er með Moskvu svolítið í hjartanu. Þetta var fyrir sex árum síðan og borgin hefur breyst töluvert á þessum sex árum, einhvern veginn hefur lifnað yfir henni.“
,,Ég var á leiknum á laugardaginn, sat fyrir aftan tólfuna og var í hjarta víkingaklappsins. Þetta var rosalegt. Ég held að ég hafi fengið sjö hjartaáföll yfir leiknum. Ég var farinn að bryðja hjartatöflur í hálfleik.“
Dóri veðjaði stórt á að Ísland myndi vinna Argentínu í fyrsta leik en hann telur að það veðmál hafi hjálpað strákunum.
,,Strákarnir hafa séð veðmálið og það setti meiri anda í þá. Ég sé ekkert eftir þessum peningum.“
,,Nei ég mun ekki leggja neitt á Nígeríuleikinn. Nú er veðmáladögum mínum bara lokið. Ég hefði mögulega haldið áfram ef ég hefði unnið eitthvað.“
Nánar er rætt við Dóra hér fyrir neðan.