Jóhann Berg Guðmundsson lék að sjálfsögðu með Íslandi í gær sem mætti Argentínu í riðlakeppni HM.
Leiknum lauk með 1-1 jafntefli eins og flestir vita en eina mark Íslands skoraði Alfreð Finnbogason.
Jói Berg þurfti því miður að fara af velli meiddur í leiknum en vonandi nær hann sér fyrir næsta leik gegn Nígeríu.
Vængmaðurinn var þó að vonum ánægður með úrslitin og setti inn færslu á Instagram í dag.
Þar má sjá Jóa þakka Lionel Messi fyrir leikinn í gær en Messi klikkaði á vítaspyrnu í leiknum.
,,Þvílík leið til að byrja okkar fyrsta HM, með jafntefli gegn Argentínu,“ skrifaði Jói við myndina sem má sjá hér.