Birkir Bjarnason, leikmaður Íslands, átti góðan leik fyrir okkar menn í gær sem mættu Argentínu.
Birkir spilaði allan leikinn fyrir Ísland í fyrsta leik riðlakeppninnar en honum lauk með 1-1 jafntefli.
Lionel Messi leikur með Argentínu en hann er af mörgum talinn besti leikmaður heims og af sumum besti leikmaður sögunnar.
Birkir datt í lukkupottinn eftir leik en hann fékk þá treyju Messi sem átti annars ekki góðan leik.
Þorgrímur Þráinsson birti mynd af þessu á Instagram en þar er Birkir með treyjuna.