,,Ég hef ekki út á neitt að setja, það er allt upp á 10 hérna,“ sagði Rúrik Gíslason leikmaður íslenska landsliðsins í samtali við 433.is í dag.
Rúrik og félagar fengu frí á æfingu í gær en eru að æfa í dag áður en haldið verður til Moskvu síðar í dag. Fyrsti leikur liðsins er gegn Argentínu á laugardag.
Búist er við því að Rúrik spili stórt hlutverk á HM í Rússlandi en hann stimplaði sig vel inn í leikjunum fyrir mót.
Býst hann við mikilli spennu fyrir fyrsta leik á HM og gæt orðið erfitt að sofa?
,,Ég held að það gæti farið svo, það er ótrúleg spenna í manni. Mikið búið að tala um hann, lengi búið að bíða eftir honum. Ég held að það geti orðið erfitt að sofa,“ sagði Rúrik.