Heimir Hallgrímsson landsliðsþjálfari Íslands vonar að stórar þjóðir haldi áfram að vanmeta liðið og afrek þess.
Þrátt fyrir að karlalandsliðið í fótbolta sé nú að hefja leik á öðru stórmótinu í röð að þá virðist oft stutt í að liðið sé talað niður af erlendum miðlum.
Meira:
Heimir viðurkennir smá eigingirni – ,,Ég er ekki nafn eins og Eiður Smári“
Ótrúlegt áreiti hefur verið á íslenska hópnum í aðdraganda mótsins og mikið af fjölmiðlum alls staðar frá vilja fjalla um afrek Íslands.
Mikið af því hefur endað á að Heimir Hallgrímsson hefur farið í viðtöl um málið. Hann segist hins vegar ekki breyttur maður.
,,Ég held að þetta hafi ekki breytt mér,“ sagði Heimir um málið við erlenda fjölmiðla.
,,Ég hef talað meira en ég hefði kannski viljað. Við erum ekki með það mikið af starfsfólki og einhver þarf að gera þetta.“
,,Ég skipulagði þetta kannski ekki nógu vel, eins og ég hefði átt að gera. Ég bjóst ekki við þessu brjálæði.“