Heimir Hallgrímsson landsliðsþjálfari Íslands vonar að stórar þjóðir haldi áfram að vanmeta liðið og afrek þess.
Þrátt fyrir að karlalandsliðið í fótbolta sé nú að hefja leik á öðru stórmótinu í röð að þá virðist oft stutt í að liðið sé talað niður af erlendum miðlum.
Meira:
Heimir viðurkennir smá eigingirni – ,,Ég er ekki nafn eins og Eiður Smári“
,,Fólk er að vanmeta okkur ef það heldur enn að þetta sé eitthvað öskubuskuævintýri og að þetta sé kannski bara óverðskuldaður árangur,“ sagði Heimir um málið í spjalli við Guardian. Ísland leikur sinn fyrsta leik á HM á laugardag.
Erlendir miðlar vilja oft vita um menntun Heimis og starf hans til margra ára að vera tannlæknir.
,,Ég kann því bara nokkuð vel við það þegar ég er spurður út í það hvort ég sé tannlæknir, að mínu viti hjálpar þetta okkur bara.“
,,Ég veit að sumt af okkar starfsfólki vilja fá meiri virðingu, fyrir því sem þau vinna af hendi en þau fá stundum.“