Fredrik Schram, markvörður Íslands, var í fínum gír er við hittum hann á æfingasvæði íslenska landsliðsins í Rússlandi í gær.
Fredrik er spenntur fyrir fyrsta leik gegn Argentínu í riðlakeppninni og segir að Rússland hafi reynst liðinu vel hingað til.
,,Rússland hefur komið vel fram við okkur. Við getum ekki kvartað yfir neinu,“ sagði Fredrik.
,,Æfingasvæðið er frábært, hótelið er frábært og veðrið er æðislegt. Fram að þessu hefur þetta verið gott.“
,,Æfingarnar hafa gengið vel og ég held að fólk sé meira en tilbúið fyrir fyrsta leik gegn Argentínu. Okkur hlakkar bara til leiksins.“
,,Ég mun alltaf setja pressu á aðalmarkvörðinn þegar ég er númer tvö í röðinni. Hannes er hins vegar frábær markvörður og stendur sig vel.“
,,Ég er hérna til að styðja við bakið á honum. Starfið mitt er að styðja hann þegar ég er ekki númer eitt. Ég mun gera allt til þess að gera það.“
Fredrik ræddi svo um mistökin sem hann gerði í vináttuleik gegn Noreg en hann er kominn yfir þau og horfir fram á veginn.
,,Þetta var ekki það besta fyrir mig en þetta er hluti af því sem þú þarft að upplifa sem markvörður.“
,,Það mikilvægasta er hvernig ég tek á þessu og kem til baka. Ég hugsa ekki um þetta lengur. Bestu markverðir heims gera mistök og ég mun líka gera það. Þetta voru ekki fyrstu mistökin mín og verða ekki þau síðustu.“